O So'linay a Malmeday a Tamdaw
O so'linay a malmeday a tamdaw i,o caay pitoor to harateng no tatiihay a tamdaw,o caay pihaklong to rakat no ciraraway a tamdaw,o caay pikapot to milokesay to Kawas a tamdaw.Nawhani maolah cingra to Rikec no Tapang,a miasip tonini a Rikec to romi'ad to dadaya.Matiya cingra o nipalinahan a mipalomaan i tatihi no 'alo a losay a kilang,maraod ko kacihcian i, cihci.Caay ka rasras ko papah.Ano o maan ko nidmakan ningra i, malahci a ma^min.O tatiihay a tamdaw i, caay ka matira,matiya o maferferay no fali a afih cangra.Mapastek no Kawas i raraw ko tatiihay a tamdaw,o mamawanik ko ciraraway a tamdaw nai kasakapot no mo^celay a tamdaw.Madipot no Tapang ko rakat no mo^celay a tamdaw,nikawrira, pasayra i katkopan ko rakat no tatiihay a tamdaw.O Nipili'an no Kawas a Palahongti Nawiro rawaraw sa ko kasakitakit?
Nawiro misafaloco' ko kasafinawlan to awaay ko ^poc a dmak?Lowad sa ko hongtingti no kasakitakit a masa'opo.Paculiaw ita ko Tapang ato nipili'an Ningra a palahongti.Palasawadaw ita ko pikowan ato pirikec nangra saan cangra a masasowasowal.Matawa ko maro'ay i kakarayan a Tapang a milikaf cangraan.Itiya i, kakteren no Tapang cangra a somowal a packok.Sowal sa, “Mapatirengto Ako ko nipili'an Ako a hongti i Cion a fangcalay a lotok Ako,” saan.Sowal sa ko hongti, “Pasowalaw ako ko nano sowal no Tapang.O sowal no Tapang i takowanan i, o wawato Ako kiso.Mala Wamato iso Kako anini.Pilongoc i Takowanan, ta paflien Ako kiso to kasakitakit no hkal a ma^min.O marad a cokor ko sapikowan iso i cangraan,pelpelen cangra, matiya o pipelpel to koreng a lalosidan,” saan.Kamo o hongtingti, pina'on.Kamo o mikowanay, pitngil to sowal.Kao mangodoay a faloco' ko sapita'ong to Tapang,kamirmir a mihinokop i ka'ayaw Ningra.Ano caay pihaen kamo i, o mamatiyato o 'anapar no namal ko kter Ningra,wa talifahal sa kamo a matkop.
Nikawrira, o pasayraay i Cingraan a milongoc to pidipot Ningra i,tada o malmeday.